نصائح مهمة جدا لأيام الامتحانات الجزء 2 متفوتهاش عشان تجيب تقدير حلو جدا

نصائح فترة الامتحانات...

1- حاول متضيعش الفترة دي في النوم كتير ، 7 او 8 ساعات بالكتير أووي حلو اووي ، مش عايز اوقولك اننا بنام 6 ساعات بس وبنبقي فايقين طول اليوم كله طول الاسبوع ، لكن ممكن تأخدلك نص يوم واحد بس نوم في الاسبوع في المقابل ، يوم واحد بس والنص التاني هتقوم تذاكره طبعاً

2- استغلال الفرص مهم جداً في الفترة دي ، انت مش بتذاكر بس عشان شهادة، لا كمان ده عملك اللي هتشتغل بيه بعد كدة وهتتحاسب عليه قدام ربنا ..

3- لو افترضنا مثلاً ان مادة قبلها اسبوعين او 10 ايام ، متضيعش اول كام يوم هباء وتزنق نفسك في آخر لحظة ، ذاكر من أول او تاني يوم بنفس وضمير عشان تتقبل المعلومات وأهم حاجة بدون ضغط نفسي او كروتة ،
يعني مثلاً لو مادة 500 ورقة وانت مذاكر منها 350 او 400 واتبقالك الخُمس تقريباً ، متسيبش الجديد للآخر، وبرضه متبدأش بيه، لازم تراجع عادي جداً علي القديم ، وتأخد كل يوم 10 صفحات او اكتر قليلاً اخر اليوم بس بشرط :
الـ 10 صفحات اللي هتذاكرهم دول كل يوم لازم تراجعهم بسرعة في الصبح تاني يوم علطووول عشان يثبتوا ، ابوس ايديك اعمل الحركة دي ومتكسلش ، هتوفر وقت جامد وبعد ما تخلص مراجعة اللي عليك كله جديد وقديم هيتبقي وقت لمراجعة ”التلخيصات الي هتكتبها بإيدك أثاء دراستك “ ..


4- بدون ”التلخصيات“ و”توفيق الله“ مش هتجيب اكتر من 70% في أي سنة في حياتك ..
لازم تعمل تلخيصات بسيطة جدا  كل يوم في صورة كام ورقة فيهم خلاصة مذاكرة اليوم كله علي اللي راجعته ، مش تلخيص كبيرة اوي لأ لأ دي ”خلاااااااصة“ ، شوية مقارانات شغابيط حباشتكانات تجميعات بسيطة ملحوظات تركات وكدا ..
انت عارف كويس ان واضع الامتحان بيبقي عينة علي كدة بترفع مجموعك من 70 الي 85% علي الاقل "في الكلية" ، وبتوفيق الله عز وجل وبتقوي الله هترفعك من 85% الي اكتر من 90% واكتر كمان ،

5- وانت بتراجع في الربع الاخير من المنهج حاول تبدأ من ورا لقدام، بيحبوا اوي الصفحة الأخيرة واالي قبلها من كل شابتر ومن كل كتاب عموماً ، تحس انها واخدة توكيل "نفخ للطلبة" بسؤال كبير مش هتعرف تحله الا لو مذاكر المنهج كله ،

6-التلخيصات الصغيرة  دي هتراجعها في الليل ليلة الامتحان ، وكمان في فجر يوم الامتحان وانا أضمنلك التفوق والله ، هتدخل الامتحان أسد وهتطلع منه أسد ،
انت بتذاكر وبتفهم وبتحفظ طول السنة ، التحشيشات دي اللي هتراجعها في فجر الامتحان بتعملك activation للحاجات المهمة فقط اللي احتمال كبير تيجي واللي احتمال كبير جداً تعصر دماغك في اللجنة ومش هتفتكرها الا لو مراجعها الصبح ، اما باقي المنهج هتفتكره بسهولة متقلقش ، لازم نقطة الـ activation دي في الفجر ؛ لأنها مفتاح الثقة الكبيرة في الحل والاجابة كاملة بإذن الله ..
أهم حاجة متكسلش تعملها
لقراءة الجزء الأول إضغط هنا
شاركو الموضوع وأفيدو غيركم كحسنة جارية لكم  💙💚💜