كيف تدرس قبل الامتحان بوقت قصير جدا وتحصل على أعلى الدرجات

شوية نصائح للامتحانات  :

1- وأنت بتذاكر حاجة جديدة ذاكر بصمت .. لكن لما تراجع لازم تراجع بصوت عالي عشان المعلومات تثبت كويس ،

2- لما تيجي تذاكر خلي معاك كام ورقة سجل فيهم اصعب حاجة حاسس انها مهمة ومش قادر تحفظها من أول مرة ، بعد ما تخلص مذاكرة هتبص عليهم في ثواني هتفتكرهم علطوووول ،

3- متبخلش علي نفسك في الاقلام ، خلي معاك في ايدك علطووول قلمين مثلاً "أحمر - أزرق" من نفس النوع اللي بتحبه ويكون خطك جميل وسريع وانت بتستخدمه ، والله الحكاية بتفرق فعلاً وبتلاقي نفسك اكثر استجابة وتركيز وسرعة ، فجأة هتشخبط وهترسم مخططات وتلخيصات بسيطة يهألك انها عبيطة ، لكن المخ بيترجمها صح وهتفتكرها بسرعة لما تحتاجها بعد كدة في اللجنة ..

4- راجع بسرعة .. راجع بسرعة .. راجع بسرعة ، 

اللي متفهمهوش سيبه "مؤقتاً“ هتفهمه بعد 17 دقيقه بالظبط .. متنامش في الشابتر الواحد 144 ساعة وتزنق نص المنهج في آخر يومين ..

5- بلاش الافراط في استخدام الالوان بدون لازمة سواء أكان ماركر او حتي خشب ، أنت كدة بتلعب مش بتذاكر .. بتلعب .. بتلعب !!

6- شخبط وارسم في الكتب والمذكرات كتير ، هتجيب امتياز ..

7- بلاش ال "Over thinking" في الدرجات اللي فاتت او اللي هتيجي ، بمجرد ما تستلم شهادة التخرج هتنسي كل العك ده وهتنهدم كل الاسوار الزائفه اللي الناس متخيلاها ، وهيبان فعلاً وقتها اللي كان بيذاكر بضمير من اللي كان بيجري ورا درجات وبس ..

8- اتق الله في كل شيئ 

9- بكرر تاني ، 

 لما تيجي تذاكر ، تذاكر بصمت الي حد ما عشان متصدعش نفسك علي الفاضي ، وتشتكي من قلة المذاكرة ، 

 لما تيجي تراجع ابقي اعمل اللي انت عاوزه ،

10- ابعد عن النظر للمحرمات مش عشان الامتحانات بس ، عشان حياتك كلها تتظبط ، نور الله لا يُهدي لعاصي .. نور الله لا يُهدي لعاصي .. نور الله لا يُهدي لعاصي ،

والله لو دحيت المنهج 55 مرة برضه هتغلط "لو لسه محتفظ بالحاجات دي" ، توفيق الله هو اللي بيرفع مجهودك وبينقذك في الامتحانات وهو اللي بيخلي فلان جاب درجة اعلي منك علي الرغم انك مذاكر زيه بالظبط ..

11- مينفعش تستعد لأي امتحان بدون "تحشيش" ، ايوه طبعاً لازم تحشش ، امال هتدخل الامتحان كدة بالعك ده كله !! 

في مواد بتوصل لآلاف الصفحات ..

لو فرضنا مثلاً ان مادة قبلها 10أيام، كل يوم هتبرشم شوية تلخيصات حلوة للحاجات اللي انت بتكنسل عليهم في كام ورقة ، الحاجات دي بيجي منها تقريباً 20% من كل امتحان ، في اخر كام ساعة ليلة الامتحان هتبص علي البرشام ده بسرعة وانت كتبتهم وجمعتهم بخط ايدك يعني هتفتكرهم بسرعة ، والله خمس الامتحان بيجي من البرشام ده بالظبط ، بس الغالبية بيكسلوا يعملوه ..  وده الفرق بين الشاطر والدحيح !!

لو أعجبك الموضوع يسعدنا أن تشاركه 

لو لديك أي إضافة ضع تعليق في الأسفل وشكرا لك